Kathemirini: Shqipëria protestë të fortë Greqisë, për kufirin

Një protestë e fortë është dorëzuar nga Tirana për autoritetet greke mbi kërkimet në det, të hidrokarbureve. Kjo protestë tregon se Tirana ka pretendime territoriale përgjatë kufirit tokësor që ndan dy fqinjët e Ballkanit, sipas “Kathimerini”.

Protesta e dërguar javën e kaluar, i bëri thirrje Athinës që të rishikojë planet e saj për eksplorimin e hidrokarbureve në detin Jon, me arsyetimin se do të shkelte mbi ujërat territoriale shqiptare. Gjithashtu Tirana u kërkoi zyrtarëve grekë për të bërë shqyrtimin e tokës së Epirit, në Greqinë veriperëndimore.

Duke folur për Kathimerini, burimet diplomatike greke e kanë interpretuar këtë lëvizje si një përpjekje e qartë për çështjen e kufijve ekzistues, në mes të dy vendeve. Në një nivel politik, protesta është parë si një iniciativë me rrezik të lartë për Shqipërinë dhe mbi marrëdhëniet dypalëshe.

Të njëjtat burime thanë se këto lëvizje janë të frymëzuar nga idealet nacionaliste të të ashtuquajturës “Shqipëria e Madhe” – që përmbledh të gjitha pjesët e Ballkanit ku jetojnë shqiptarët.

Sipas hartës së bërë publike në vitin 2011, sondazhet ishin të kryhet në një zonë të madhe në veri të qytetit të Janinës. Nuk ka pasur asnjë reagim zyrtar nga zyrtarët e Tiranës në atë kohë.

Analistët dyshojnë se protestat shqiptare janë duke “u ushqyer” nga Turqia. Shqetësimet se Ankaraja është duke punuar kundër interesave greke në zonë u forcuan javën e kaluar, pasi Presidenti turk Rexhep Tajip Erdogan u takua në Tiranë me zyrtarë nga Partia për Drejtësi, Integrim dhe Unitet (PDIU). Diplomatët thanë për Kathimerini se takimi kishte me shumë gjasa qëllim për të rindezur një çështje në lidhje me riatdhesimin e shqiptarëve të Çamërisë të dëbuar nga Epiri në fund të Luftës së Dytë Botërore, me pretendimin se kishin bashkëpunuar me nazistët. Greqia e konsideron këtë çështje të mbyllur.

Përgatiti: A. Muraçi/Koha Jonë