“Krimineli” Koço Kokëdhima, tani kthehet në “engjëll”

Koço Kokëdhima ka qenë një nga politikanët më të sulmuar nga ana e PD-së dhe mediave pranë saj. Por, që prej heqjes së mandatit të deputetit nga ana e Gjykatës Kushtetuese dhe prishjes me Edi Ramën, nga një “kriminel”, ai është kthyer në “engjëll”. Fjala vjen, ai është marrë sot në mbrojtje nga disa media pranë PD-së, por dhe LSI-së, pse akuzohet për shkeljet flagrante dhe listat paralele që bën në Jug. Dhe akuzojnë mediat e tjera, pse denoncojnë Kokëdhimën dhe pse bëjnë publike pakënaqësitë e socialistëve dhe peticionet e vet banorëve të atyre zonave ndaj Kokëdhimës, që kërkon deri edhe t’iu prishë shtëpitë për planet e tij të biznesit.

Hipokrizia është se mbrojnë një njeri që deri dje çfarë nuk kanë thënë për të, ndërkohë që qendrimi i atyre që i etiketojnë si media të “majta”, ka qenë i njëjtë ndaj Kokëdhimës, që para se të bëhej deputet dhe edhe kur ishte mik i ngushtë i Ramës.

Ndaj, ndoshta duhet të analizonin jo pse sulmohet Kokëdhima, por çfarë ka ndodhur që ai është kthyer në një “engjëll” krejt papritur.(Tema)