Mustafa Nano: Demokratët duhet të luten

Mustafa Nano thotë se do të ishte mirë që Partia Demokratike të arrinte një rezultat të mirë në këto zgjedhje.

Sipas tij, kjo do të ndihmonte PD-në dhe Lulzim Bashën, të cilët ndodhen në një situatë delikate.

“Do ishte mirë që opozita e Lulzim Bashës të gjente një afirmim, një konsensus tek shqiptarët, sepse edhe vetë demokratët do të hiqnin mendjen nga paraardhësi i Bashës dhe do i shërbente PD dhe Bashës vetë, për të ndërtuar një parti të stilit të vet.

Në terma të elegancës dhe me publikun, është një gjë ndryshe nga paraardhësi, por unë kërkoj një ndryshim thelbësor”, tha Nano në emisionin “Top Story”.

“Unë këmbëngul tek dobia e një suksesi të PD të drejtuar nga Lulzim Basha, kjo do t’i bënte shumë mirë. Demokratët duhet të luten që të kenë sukses pikërisht tani”, vijoi ai.

Ndërsa Shpëtim Nazarko tha se kjo opozitë është e mjerë dhe e mbaruar dhe nuk ka ç’i duhet Shqipërisë.

Sipas tij, ata që janë të zhgënjyer nga qeveria, do të abstenojnë në masë.