Ndarja nga jeta e akademikut Kolec Topalli, Rama: La pas një hije të bardhë respekti

Kryeministri Edi Rama iu është bashkuar reagimeve për ndarjen nga jeta të Profesor Dr. Kolec Topalli, anëtar i Akademisë së Shkencave të Shqipërisë. Përmes një statusi në ‘Facebook’ Rama vlerësoi figurën e Topallin.

“Kolec Topalli, një burrë i mençur, i ditur dhe i heshtur, që u nda nga jeta duke lënë pas një hije të bardhë respekti për figurën e tij prej spektatori misterioz të vendit ku jetoi”, shkruan Rama.

Topalli humbi jetën ditësh e djeshme, në moshën 80-vjeçare. Kujtojmë se Topalli ka qenë anëtar i jashtëm i Akademisë së Shkencave dhe të Arteve të Kosovës, “Mësues i Popullit”, studiues i gjuhës, veprimtar publik dhe drejtues e funksionar në institucione të larta shkencore dhe zyrtare.