Nora Malaj: Këta qytetarë meritojnë te ndihmohen dhe të nderohen!

Kur vijmë në këtë jetë askush nuk zgjedh racën, gjininë, prindërit, vendin, qytetin, por vijmë dhe shteti e familja ka për detyrë të na krijojë të gjitha mundësitë që të jetojmë si qytetarë, me të drejta të barabarta të këtij vendi!

I tillë ishte takimi i sotëm me komunitetit rom, komunitetin që ka një botë dhe jetë aq interesante, por të drejtat e tij jo gjithmonë realizohen.

Përballja me ta nuk ishte e veshtirë, por e dhimbshme.

Sot në bashkëbisedimin me komunitetin rom, ata ishin mëse të vërtetë. Problemet e tyre ishin të shumta:

Pamundësi strehimi dhe të lënë në mëshirën e fatit

Pamundësi të shtëpive sociale dhe mbetje në mëshirën e fatit

Pamundësi punësimi për gratë dhe të rinjtë, borxhe energjie dhe nivel i jetesës i pamundur, vetëm me 6000 lekë të reja të ardhura në muaj

Pa mmundësi jetese dhe nivel minimal në ushqimet bazike për fëmijtë dhe të moshuarit

Nevoja për një sistem arsimor të garantuar dhe për të luftuar analfabetizmin funksional

Pamundësia e të drejtave të njeriut, që ju mohohen në proceset gjyqësore dhe në shërbime shëndetësore, duke u trajtuar si nje kategori e diskriminuar për kategorinë e njerëzve në nevojë

Këto ishin disa nga problemet madhore që ka ky komunitet sot.

Teksa biseda erdhi drejt fundit, ata në shenjë respekti, jo vetëm për bashkëbisedimin, por edhe si njeriu që lobova per futjen e gjuhës rome për përgatitjen e mësuesve ndihmës për këtë komunitet, me dhurojnë fjalorin shqip-romanisht. Nuk ka mirënjohje dhe respekt më të madh që të dhuron ky komunitet.

Ju falenderoj për bisedën e sotme dhe për respektin e mirenjohjen që treguat

Edhe 12 ditë dhe dita kur shteti i së drejtës do të jetë shumë pranë, do të garantoj të drejtën për të gjitha kategoritë sociale të qytetarëve në Shqipëri

Edhe 12 ditë dhe ndryshimi do të ndjehet edhe në çdo kategori sociale, se e drejta e njeriut është e drejtë kushtetuese dhe se zgjedhjet e 25 Prillit do të ndërtojnë shtetin e së drejtës

Ky takim i sotëm tregoi se ndryshimi po troket në çdo vend dhe 25 Prilli do të finalizoj fitoren e së mirës mbi të keqen, nëpërmjet votës popullore

Mirënjohje komunitetit rom në Shqipëri!

#VotoNr6LSI #VotoNr8NoraMalaj #ShqiperiaShtepiaJuaj