Plas sherri De Biasi me menaxherin e kombëtares Alban Bushi

Të hënën trajneri i Kombëtares Gianni De Biasi, ka prezantuar listën e lojtarëve të grumbulluar për dy miqësoret kundër Kosovës dhe Gjeorgjisë, që zvhillohen pas pak ditësh. Gjatë konferencës për shtyp ra në sy fakti se De Biasi ishte i acaruar dhe jo në humorin e tij të zakonshëm, por më pas është mësuar arsyeja.

Trajneri i kombëtares shqiptare ka pasur një debat të ashpër me menaxherin e Kombëtares Alban Bushi, para konferencës për shtyp, pasi ka kërkuar që Bushi të mos jetë më menaxher, transmeton Gazetaolle.com.

Gjithçka lidhet me disa deklarata të Bushit ditët e shkuara, që nuk i kanë pëlqyer De Biasit, i cili nuk dëshiron më ta ketë në staf Bushin, ndaj edhe ka pasur një debat me të. Vendimi final do të merret nga presidenti Armand Duka, i cili nuk ishte në federatë të hënën, por ndërkohë Bushi është shfaqur në grumbullimin e kombëtares në Durrës, ndaj nuk dihet si do të mbyllet kjo histori.