Po sikur të humbasim me Serbinë…. ?
Nga Orest Çipa
Sot për sot ekipi ynë kombëtar është krenaria më e madhe që çdo shqiptar brenda dhe jashtë kufijëve ka dhe demostron sa herë që ne luajmë futboll kundër ndonjë shteti tjetër.
Vërtet krenohemi me këtë kombëtare por kjo nuk mund ti mbyllë boshllëqet apo të shkuarën historike me një fitore apo një humbje, pasi futbolli është lojë dhe asgjë tjetër!
Jemi shumë krenar dhe është fatale për ne të humbim një ndeshje kundër Serbisë në tokën tonë!
Por, po sikur të humbasim ç’do të ndodhë? A do të çonte ndokënd në “Prokurori” ?!
Jam i bindur, se sikur ne të fitonim politikanët do kërkonin pjesën e tyre pasi gjithnjë ata kërkojë pjesë, ç’ka ka degraduar në këtë situatë që ne jemi sot.. në të kundërt ata do bëjnë si gjithnjë, do ja faturojnë fajin dikujt që në raste të tilla do të jetë kombëtarja ose Armando Duka.
Por, po sikur të humbasim çdo të ndodhte?
Kjo është në faktë një pyetje që çdokush mund t’ja bënte vetes por në raste të tilla edhe s’shkon, pasi ne jemi komb që besojmë dhe “bestytninë” se ndajmë dot e prandaj nuk duhet ta ndjellim humbjen dhe të na mbysi ankthi dhe egoja e tepruar nacionaliste Ballkanase.
Nejse, futbolli është sporti më popullor në botë dhe nuk duhet perceptuar si një arenë “gladiatorësh” liri apo vdekje ashtu siç u perceptua në Serbi.
Në këtë mënyrë kaq flakëruese ne vëmë nën presion edhe djemtë shqiptar që do të na përfaqësojnë sot, ndaj jam i bindur se çdo mllef që ne si komb e kemi kundër fqinjëve tanë do t’ju rëndojë psikologjikisht atyre.
Ky ekip që ne kemi sot dhe e kemi ngritur pas një mundi shumë të madh disavjeçar nuk mund të shkatërrohet vetëm nga një ndeshje futbolli, po sikur të humbasim…
Historia tregoi se ne ditëm ta marrim tre pikëshin edhe jashtë fushave të blerta, çka për ne do të thotë shumë dhe sduhet ta heqim këtë çast nga kujtesa.
Ballkani gjithnjë ka pasur gjaknxehtësi dhe mllëfe të mbartura që shkarkoheshin si rrufe në qiell të hapur sa hërë që “flutoron një zog”!
Historitë dhe legjendat tona na kanë mësuar se kur hasmi të troket në derë e fusim brenda dhe e presim si mik, për sa kohë është në shtëpi respektohet, pasi për ne miku ka qenë dhe është i shenjtë!
Ashtu duhet të jenë edhe serbet sot në stadium!
Eshtë e pa lejueshme dhe duhet të jetë e tillë në moralin e shqiptarit, pasi në brezat e ardhshme do vashdojmë të jemi fqinjë dhe duhet të shohim me larg se çkanë parë të parët tanë… atëherë ata në luftë, sot ne në paqe.
Futbolli është një traditë e re për ne, tradita apo virtytet tona janë shumë dhe na çuan nga vendet e tjera të botës , mikpritja, toleranca fetare, besa dhe shumë e shumë që ne duhet ti jetësojmë pikërisht sot!
Po sikur të humbasim me Serbinë…. ç’ndodh?
Asgjë, jam i bindur se shumë nga ne do vazhdojë të jetojë në Ballkan!
arberianews.com
