RAMA E META TË RREGULLOJNË MË PARË KONSENSUSIN MES TYRE

Janë pykat e Sali Berishës për të marrë pushtetin e humbur ato që kanë hyrë mes PS dhe LSI këto javët e përplasjeve për  Reformën në Drejtësi,por dhe në gjithë sherret politike që janë bërë për ҫdo reformë të kësaj Qeverisë.Ishte turp dhe paaftësi e madhe  shtetformuese e shtefunksionuese e politikës sonë ndërhyrja aq e madhe e ndërkombëtarëve për Reformën në Drejtësi.Por shumë politikanë tek ne prej kohësh turpin e  hanë me bukë dhe nuk u bën asnjë përshtypje edhe nëse vëndi fundoset në llumin e shteteve jopërëndimore apo në destabilitet,si në 97-ën.Qellimi i tyre është pushteti dhe jo shteti.Ndaj rënia e politikanëve të rinj në kurthet e plakut Berisha dhe në atë batak politik që sajon ai,është paaftësi e madhe e tyre si politikanë.

Sikleti që ka mbërthyer shqiptarët këto ditë të kalimit të Reformës së Drejtësisë në Parlament është se ҫfarë do të ndodhë me 7 ligjet e tjera.Por mënjëherë pas tyre, se ҫfarë do të ndodhë me Kualicionin qeverisës Rama-Meta.?! A do bjerë Qeveria, apo do ta qojë deri në fund mandatin?Besoj se ka pak të verbër që nuk e kuptojnë se përҫarja e Kualicionit ishte qellimi i kryesor i Berishës dhe aspak meraku për sovranitetin apo për  Reformën. A do ta “tradhëtojë” kualicionin Ilir Meta,mendojnë sot socialistët? A do mund të bëjë Rama qeveri tjetër pa ne, vrasin mendjen LSI-stët? Mendoj se e gjithë kjo sherrnajë tragjikomike  politike i ka rrënjët veҫ në gozhdat që ngul Sali Berisha gjithandej në rrugën e qeverisjes së vëndit,në sherret e kurthet që ngreh ai natën,në shantazhet dhe kashillëkun që u bën ditën për diell  edhe ndërkombëtarëve.Meta ia ka lëshuar foltorën e Parlamementit atij,sa herë e ka dashur me orë të tëra,që të pisosë kë të mundet.Nga ana tjetër Rama, duke pasë në dorë vetëm ҫelësat e kashtës së Prokurorisë dhe Drejtësisë,nuk ka mundur as të formulojë dot një akuzë për Sali Berishën  dhe qeverisjet e mbrapështa të PD-së,e cila e dorëzon vëndin në buzë të greminës sa herë na qeveris.

Rama e Meta kanë  tema të tjera shume më të rëndësishme për vëndin,nëse duan të bëjnë debat me njëri tjetrin dhe jo të bien në kurthet e Saliut kaq lehtë.Për shëmbull mund të debatojnë me grupet parlamentare apo dhe në Qeveri, se si mund të përmirësojnë qeverisjen e vëndit,se si mund të pastrojnë administratën nga partizanët injorantë e të inkriminuar,që i kanë futur me shumicë të dyja palët kudo.Mund të debatojnë për zbatimin më të mirë të ligjeve dhe reformave,pasi nuk është se na mungojnë ato e duhet të rrimë të presim që të vijnë ligjet e reja.Një kualicion kaq i gjërë  është normale që të debatojë për punën e përbashkët,por dhe të marrë vëndime me konsensus.Nuk ka aq shumë nevojë që të  presin Saliun apo zëdhënësin e tij për t’i plotësuar ҫdo tekë në emër të konsensusit falls,i cili tek ne nuk nënkupton gjë tjetër,veҫ  të bëjnë ashtu siҫ do Saliu. Ku është parë  e dëgjuar që një mazhorancë e tillë qeverisëse duhet të bëjë ҫfarë thotë një opizitë e tillë mjerane,e cila është rrjeshtuar si delet në mbrojtje të interesave familjare të një përsoni aq të akuzuar..! Rama e Meta duhet të shohin konsensusin mes tyre,duhet të shohin se si po i qeveris shqiptarët Qeveria e kualicionit PS-LSI.Ata duhet të kuptojnë shpejt se ku po gabojnë me qeverisjen dhe ҫfarë duhet kurrigjuar mënjëherë,pasi ҫfarëdo lloj kualicioni që të bëjnë nesër në zgjedhje,asnjëra nuk i shpëton dot ndëshkimit për gabimet e bëra në qeverisjen 4 vjeҫare së bashku.Një nga këto gabime të rënda unë do të vija rritjen drastike dhe të pa kurrëfarë sensi logjik të taksave në vënd.Janë 5 e 10 fishuar shumë taksa qëndrore e vëndore.Janë shumëfishuar e katranosur të gjitha burokracitë e lejeve dhe liҫensave, duke asfiksuar biznesin dhe ekonomimë,të cilën e dorëzoi gjithsesi në buzë të greminës Sali Berisha.Sektori i ndërtimit vijon të jetë në kolaps nga bllokimi dy vjeҫar.Le ta bëjnë si të duan praktikën e lejeve të ndërtimit online,por kur një fshatari apo qytetari,kur një biznesi tani i kërkohen 27 dokumenta dhe i kanë 5 e 10 fishuar taksat,nuk ka se si të kërkojë leje ndërtimi njeri.Nga ana tjetër ulëria e bashkive dhe njësive vëndore i është lëshuar biznesit më një mori taksash të tjera të shumëfishuara dhe paratë përsëri ato po i bëjnë rrush e kumbulla për paga e qefe.Këshillave bashkiake u është lënë dorë e lirë që të bëjnë kërdinë.Kjo është një klime që nuk prodhon gjë tjetër,veҫ ikje nga ky vënd  të kapitaleve dhe njerëzëve që i prodhojnë ato.Kjo do të ishte një teme shumë serioze debati midis Ramës e Metës këto kohë e jo të merren me shantazhet e Berishës,vetullat e Lulit  e mustaqet e Nishanit.Thirrja që u bëjnë mbashtetësit e tyre këto kohë është : Hiqni burrokracitë e rënda për biznesin e qytetarët ! Ulni urgjentisht taksat ! Votoni e zbatoni ligjet ,nese keni ndërmend të arrini deri në zgjedhje dhe nëse doni që  t’ua japin votën përsëri shqiptarët..!

ZEF  SHTJEFNI