Rrymat e lidershipit serb e rus që fryjnë mbi Ballkan

Prof. Lisen Bashkurti

Vrasja politike e Oliver Ivanovicit në veri të Kosovës po vihet në objektin e debatin politik dhe mediatik të Serbisë. Në një shkrim që kam bërë ato ditë vrasje, shpreha opinionin tim se vrasja e Ivanovicit ishte tipike politike, e stilit të ”cerna rukes”, me qëllime si ngjarje e Sarajeves në 1914, e cila dogji botën në Luftën e Parë Botërore.

Rikthimi i debatit mbi vrasje Ivanovicit këto ditë po e lidhe këtë vrasje me Presidentin Vuçiç. Shkak po bëhen edhe disa përgjime, sipas të cilëve, Vuçiç implikohet në këtë vrasje. Akuza më e rëndë ka ardhë këto ditë nga Kryerepublikani Serb, Nikola Sandulovic mbi Presidentin Serb, Vuçiç. Ndër të tjera , ai thekson;

“Unë mund të them se sinqerisht se jam i tmerruar me retorikën e sëmurë të një diktatori ballkanik, një mafiozi të vërtetë në rajon, të një krimineli që përdor të gjitha mjetet për ta mbuluar të vërtetën. Ai gënjen shqiptarët e Kosovës, gënjen BE-në, gënjen SHBA-të se ai është bartës i paqes, e në fakt ai është faktori i vërtetë i destabilizimit dhe pengesë e zgjidhjes përfundimtare në mes Kosovës dhe Serbisë”.

Nga kjo deklaratë e hapur del shumë qartë se modelet e lidershipeve Ruse e Serbe, po fryjnë në Ballkanin Perendimor, duke rritur kërcënimin për paqen, sigurinë dhe demokracisë në këtë pjesë të Evropës.