Uragani i Dibrës për Bashën!

Nga Alban Daci –

Nëse dikush ka pasur dyshime për fitoren plebishitare të PD në këtë qark nga sot e ka shuar edhe këtë dyshim!
Mbështetja e këtij qarku për PD në këto 30 vite ka qenë i vazhdueshëm dhe konstant! Mbështetja e sotme meriton admirim e po ashtu ju jep përgjegjësi të gjithë atyre që do të dalin deputet me logon e PD, por edhe vetë kryetarit Basha për ta rikthyer vëmendjen e merituar ndaj kësaj krahine që meriton shumë më shumë e sot, për fat të keq të jep përshtypjen sikur është një provincë e Bangladeshit!
Sot, Dibra si qark është krejtësisht e braktisur nga pushteti! Mandje, është më keq se e braktisur, sepse është e shfrytëzuar dhe e vjedhur nga pushteti ose nga njerëz që kanë lidhje me pushtetin!
Ndoqa më vëmendje takimin e Bashës me disa intelektualë që janë të respektuar, por Dibra ka shumë më shumë intelektualë me kontribute e vlera të jashtëzakonshme krahinore e kombëtare.
PD e Dibrës ka një mision shumë më të madh pas zgjedhjeve, ajo duhet të hap dyert dhe t’i ftoj në gjirin e saj të gjithë ata intelektualë që janë të djathtë me histori familjare e me formim individual dhe duan e kontribuojnë në jetën politike të Dibrës dhe jo vetëm!
Peshkopia ka marr padrejtësish një goditje të madhe nga ky pushet e të jep përshtypjen sikur është një vendur i shterur për përfaqësimin dhe përfshirjen e intelektualëve në jetën politike, sociale dhe ekonomike.
E vërteta nuk është kështu, por është se vetë politika e krahinës e ka monopolizuar për vete pushtetin e politikën dhe e ua ka mbyllur derën i intelektualëve. Me të deleguarin Xhelal Mziu kam besimin se do të ketë një fazë të re reformimi të PD duke e bërë forcë dinjitoze e model përfaqësimi edhe për zgjedhjet e ardhshme lokale që mund të jenë tek dera, sepse ka shumë gjasa që Gjykata Kushtetuese të mos i njoh zgjedhjet monopartiake të zhvilluar më parë.
Një fitore është e rëndësishme, menaxhimi dhe për ta bërë atë një model të suksesshëm duhet të hapen dyert edhe të kenë rol protagonizmi edhe ato intelektual e profesionistë që janë mbajtur qëllimisht larg politikës për ta përvetësuar për vete pushtetin!