Vendimi për largimin nga Gjykata e Lartë e Dvoranit ishte i drejtë por shumë i vonuar

Nga Eriol Braimllari –

Vendimi për largimin nga Gjykata e Lartë e Dvoranit ishte i drejtë por shumë i vonuar.

Nëse ky veprim do të ishte marrë kohë më parë, prej KLGJ apo vettingut, do mund të ishte shpëtuar sistemi nga veprimet e dëmshme që kundërshtonin pavarësinë e tij.

Këshilli i Lartë Gjyqësor duhet ta kishte marrë këtë vendim kohë më parë, në ushtrim të pavarur të kompetencave të tij si organ i drejtësisë së re pas reformës së 2016. Edhe hezitimi i treguar nga KLGJ duke zgjedhur t’i drejtohet misioneve të huaja të asistencës juridike për këtë çështje, tregon për një mungesë maturie në integritetin e pavarësinë e institucioneve të reja të drejtësisë.

Kjo kohë e humbur ka prodhuar vendimarrje të gabuara në dëm të reformës së drejtësi, siç është edhe mungesa e funksionalitetit të Gjykatës Kushtetuese dhe Gjykatës së Lartë, që jo vetëm mohojnë të drejtat qytetarëve duke i lënë të pa mbrojtur nga vendimet arbitrare të institucioneve, por edhe kanë bllokuar integrimin europian të vendit.

Largimi nga detyra i Dvoranit është njëkohësisht fund i paligjshmërisë dhe mundësi e re.

Qoftë ky akt pozitiv i KLGJ sot një hap drejt një mundësie të re për rikthimin e zbatimit të reformës në drejtësi sipas përcaktimeve ligjore në mënyrë që sistemi të kthehet në shërbim të njerëzve.