Ylli Pango: Lady Diana në katror

Nga Ylli Pango –

Nuk e kam kuptuar kurre gjithë atë adhurim deri në çmenduri të shumë njerëzve për Lady Dianën. Ishim një herë në Odense, në Danimarkë. Është qyteti i lindjes i Andersenit.Shkëmbim eksperience pedagogjike. Na çuan dhe në një shkollë të mesme. Mêsuesja u kerkoi nxenesve te shkruanin perse e pelqenin aq shume lady-n.( Nuk kishte pyetje “ a e pëlqeni apo jo? A priori duhet ta pelqenin: Pyetja qe “ Përse?”) Lexuam përgjigjet.
Dikush shkruante “sepse ishte e bukur”, dikush “sepse ishte princeshe e popullit, kujdesej per te varferit…të sëmurët nga AIDS…” si e përqafoi atë fëmijën që kishte AIDS, trashëguar nga prindërit.”( Përpara kësaj Diana kishte pyetur personelin e spitalit, kinse e habitur: “Po pse nuk i adaptojnë prindër të tjerë, këta fëmijë?” Dhe kishte marrë përgjigjen (nuk e merrte dot me mend e gjora)“ po ja i kanë frikë se janë me sëmundje të keqe…”)
Disa vajza shkruan se e pelqenin “nga se ishte e gjate, elegante…”
…Ka që nuk e kanë pelqyer ndonjëherë as si pamje. Po kjo është çështje gustoje. Seicili ka tē vetën. Pak si kaba.( Këtë edhe mund të mos e thoja). “Gusto gusto” thuhet.
…Netflix po jep një seri tjeter te filmit “ The Crown”. Ajo aktorja që e luan Dianën, më bëri të ndryshoj disi mendim per Dianën?! Është më afër Dianës sê supozuar. Më e vërtetë
sidomos se Diana origjinale-artificiale, në takimet e saj me të varfërit dhe të sëmurët. Nuk besohet kollaj në mëshirën, lere pastaj dhëmbshurinë e Dianave. Nuk bën sens jeta që bëjnë, vaniteti, me spektaklin që ofrojnë në media. Janë pak si politikanët. Po luajnë( natyrisht), më dobët se aktorët. Nuk i hyjnë aq mirë rolit. U ka munguar regjia ndofta.
Megjithatê siç e thashë për shkak të aktores, se ç’pata një lloj simpatie për Dianën. Vetem si shembull: aktorja e qan, (e imiton përsosur), atë koketërinë e Dianës sê vërtetë. Kësaj të fundit nuk i shkon fare kurse aktores i del në pah kaq natyrshëm, origjinal.
Megjithëse e di që Diana nuk ka qenë ajo që paraqet aktorja, paskam qejf ta shoh të tillë.
Aktorët vërtet mund të na e paraqesin ndryshe historinë… të na i ndryshojnë në përfytyrim historinë. Personazhet historikë.
Mendo ç’kanë bërë e ç’mund të bëjnë shkrimtarët. Historianët e paguar. Ata të paaftët syresh. Shtrembëruesit e historisë. Vetë harresa jonë.
Ja pak a shumë si mua që po ma ndryshojnë( disi) mendimin për Dianën. Nuk ka rendësi si ka qenë ajo vêrtet dhe sa mirë e di unë këtë.
…Nuk do kemi kohë të habitemi, se do kemi ikur në atë drejtimin e ditur, kur njerëzia të shohë krejt ndryshe nga e vërteta, të admirojë ish diktatorët, vanitozët, produktet e stisura mediatike të figurave të së kaluarës…Tek ne ka jo pak kohë që funksionon