Ish-këshilltari i Helmut Kol: Merkeli mund të bjerë

Intervista E Shtunë, 17 Prill 2021 13:30

Reagimet pas sulmeve të të premtes mbrëma në Paris janë shumë të ndryshëm, nga ata që pasuan sulmin kundër redaksisë së Charlie Hebdo në janar: në Gjermani, ashtu sikurse në pjesën tjetër të Europës. Po ata politikanë që bënin thirrje të mos drejtohej gishti nga imigrantët, sot bëjnë thirrje për një linjë më të ashpër ndaj tyre. Në mesin e dy krizave ndodhi vala e migrimit që përfshiu Europën dhe i dha jetë një debati të fortë në Gjermani. “Jemi në pikën e kthesës: pas Parisit, Angela Merkeli, e hapur për imigrantët, nuk është më kandidarja ideale për kancelare, e CDU-së. Schaeuble është gati të qeverisë, por jo që të jetë Bruti i një komploti”, thotë profesor Michael Stuermer, ish këshilltar i Kohlit dhe intelektual i spikatur i qendrës së djathtë.

Merkeli rrezikon të bjerë?

Rrezikon shumë. Eshtë në momentin final. U mbërthye nga paniku moralo-humanitar për imigrantët, pa dëgjuar humorin dhe frikërat e shoqërisë dhe të gjithë Europës, me kokëfortësinë e saj donte të impononte strategjinë e dyerve të hapura. U fut në një rreth vicioz. Krijoi një situatë ku, shumëkush në të djathtë thotë që, në gusht kritikonim Orbanin për Murin, ndërsa sot duhet të pranojmë se ai, të paktën, mbron Schengenin.

Schaeuble i ka quajtur imigrantët “një ortek”: ky e rrezikon Kancelaren?

Eshtë një akuzë shumë e qartë: sfida e imigrantëve, në emër të Europës, nuk përballohet ashtu si bëri Merkeli. Schaeuble ka thënë gjithashtu që, nëse një skiator bën ski i shkujdesur në një zonë orteqesh, atëherë mund të shkaktojë orteqe edhe shumë më të mëdhenj.

Deri dje, Merkeli ishte e sigurtë për fitoren në zgjedhjet e vitit 2017, tani a është ende e sigurtë se do të jetë kandidate?

Nuk është më kandidatja ideale e partisë. Kush e kritikon në parti, dëgjon zgjedhësit: gjermanët kanë treguar më shumë solidaritet, mbështetje dhe dhembshuri se kurrë kundrejt imigrantëve, por nuk duan që pas 10 apo 20 vitesh, të jetojnë nën një Republikë Islamike. Kthesa do të ndodhë përpara 2017-ës.

Dhe kush do ta përmbysë?

Nuk ka një Brut, dhe nëse do të dalë, nuk do të jetë Schaeuble: ai është gati të bëhet Kancelar, por nuk është komplotist.

Çfarë domethënie do të ketë për Europën?

Varet nga pasardhësi. Schaeuble do të ishte mirë për Europën, e ka menaxhuar krizën greke duke menduar për frikërat dhe dhimbjet si të grekëve, edhe të gjermanëve. Shumë prej Europës u ngjall frikë gjermanëve, edhe një president italian i Bankës Qendrore Europiane.

Përkthimi: Bota.al

SHKARKO APP

iPhone

Android

Më shumë lajme të fundit