Miss Gjermania: S’jam e lidhur me Shpat Kasapin

Albijona Muharremaj është bukuroshja nga Kosova, emri i së cilës kohët e fundit është përmendur jashtëzakonisht shumë nga mediat rozë. 20- vjeçarja e cila këtë vit rrëmbeu kurorën e “Miss Deutchland World 2015”, është përfolur edhe për një lidhje të mundshme të saj me këngëtarin Shpat Kasapi. Por ja çfarë thotë ajo gjatë një interviste për “index-online”, teksa e ka mohuar këtë lajm duke thënë se me këngëtarin janë vetëm miq…

Kur ndodhi paraqitja e parë në pistën e modës dhe cili ishte emocioni i parë i paraqitjes suaj?

– Paraqitja e parë e imja në pasarelat e bukurisë ishte në vitin 2014 tek “Miss Interkontinental Kosova”.

Çfarë ju nxiti të merreni me këtë profesion?

– Qysh si vajzë e re kam pas dëshirë të parakaloj në pasarela të jem pjesë e botës së bukurisë, kjo më ka nxitur gjithmonë.

E prisnit që të jeni ju e përzgjedhura e Miss Gjermanisë?

– Jo, nuk e prisja këtë sukses sepse kishte shumë vajza të bukura.

Na tregoni për emocionin e parë kur u thirr emri juaj, si ishte?

– Ishte një ndjenjë e jashtëzakonshme dhe e paharrueshme.

Ju do të përfaqësoni Gjermaninë në “Miss World në Kinë”, sa jeni optimiste për një fitore të radhës?

– Optimizmi është gjithnjë tek unë, megjithatë atë duhet theksuar se “Miss World” është një kompeticion me përmasa Botërore e duhet të jetë një garë tepër e fortë.

Si po ndihesh tashmë si fituese e çmimit të madh në Gjermani?

– Ndihem shumë e lumtur dhe krenare për këtë titull që mora si më e bukura në Gjermani.

A është Albijona e dashuruar?

– Është private.

Është përfolur se jeni në lidhje me këngëtarin Shpat Kasapi, cila është e vërteta e këtij lajmi sipas jush?

– Shpatin e kam mik të mirë dhe asgjë më shumë

Kush ishte mbështetja juaj në këtë drejtim?

– Mbështetjen më të madhe e kam natyrisht nga familja ime. Nga mami kam shumë përkrahje të madhe. Si dhe nga make- up Artistja Nazlije Sadrijaj e cila edhe më menaxhon.