Olta Gixhari prej kohësh “single”: Vera më çon në ekstazë! (Foto)

Me hiret e saj tepër tërheqëse, i mjaftojnë vetëm pak minuta për t’i vënë “zjarrin” skenës së Teatrit. Shpesh pushton faqet e shtypit dhe ekranet e televizioneve. E natyrisht që shndërrohet në “bionden fatale” kur ka përballë objektivin e aparatit fotografik.

Aktorja Olta Gixhari, ka realizuar një set tejet të nxehtë dhe provokues për fotografin, Endrit Mërtiri, ndërsa në këtë intervistë, tregon sekretet e bukurisë së paprekur, tipin e mashkullit që e tërheq, si sillet në një lidhje dhe dëshirën për të pasur një familje. Na rrëfen se pse ndihet viktimë e pasioneve tësaj.

Buzët e tua janë reale?

S’kam asgjë të bërë në pamjen time, jam fare e paprekur.

Si të duket vetja ku gjendesh pranë vajzave që kanë bërë ndërhyrje estetike?

Më e bukur.

Më rehat nën lëkurën tënde je ndier kur ishe 20 vjeç, apo tani?

Kur kam qenë 20 vjeç, padyshim që kam pasur lëkurë më të bukur se sa sot. Por tani di ta shijoj. 20 vjeç nuk e mbaj mend ndjesinë që më jepte lëkura ime, kështu që mbahet mend çfarë shijon më shumë.

Je vetëm vërtet?

Po, vetëm. Kam kohë që jam vetëm.

Është më mirë kështu?

Nuk e di nëse është më mirë kështu, di të them që ndihem mirë tani.

Fytyra e mashkullit që të tërheq?

E atij me flokë të gjata… hahaha

Mendja e burrit që të fton në mëkat?

Ai që me mendjen e tij turbullon mendjen time.

Fiziku mashkullor dhe femëror më pushtues për ty?

Nuk e di. Impaktin që kam nga fiziku i njerëzve më zhbëhet shumë shpejt. Është e vërtetë që njerëzit e bukur, me pamje të bukur e kanë më të lehtë të pranohen në shoqëri, pra kanë impakt më imponues. Por është zotësia e gjithsecilit ta ruajë këtë impakt gjatë, ose ta zhbëjë në pak minuta.

Si je ti në një lidhje?

E dashuruar.

Dhe kur dashuron çfarë bën?

Zhdukem. Rri vetëm me atë që dua.

Në përfytyrimet e tua si është njeriu me të cilin do të ndash jetën?

Të jetë i mençur. Me një njeri të mençur mund të kalohet jeta me lehtësinë më të madhe.

Ti ke plan të martohesh një ditë?

Plan jo, dëshirë po.

Është e vështirë në ditët e sotme të martohesh, apo jo?

Nëse është e vështirë ose jo, do e kuptoj kur të vijë momenti që unë të jem e predispozuar ndaj këtij hapi të rëndësishëm. Se martesa të ndryshon jetën.

Familja perfekte sipas teje cila është?

Familja ime, mami dhe babai im.

Ti je aktorja më e paguar në Shqipëri?

S’e di.

Je më e kërkuara për role të para apo jo?

Jam e kërkuar, më e kërkuara prapë s’e di.

Për cilin rol që ke luajtur deri tani je penduar?

Për asnjë.

Cili rol ëndërron të të besohet?

Nuk jua them dot.

Pija alkoolike që të çon në ekstazë?

Vera.

Filmi që do të kishe bërë të pamundurën të ishe pjesë e tij?

“Nëntë javë e gjysmë”, ngaqë unë vdes për aktorin Mickey Rourke tek ai filmi.

Skena erotike në kinema që do dëshiroje ta realizoje një herë në jetë?

S’kam asnjë.

Çfarë të duket aq e vështirë apo e pamundur, njësoj sikur të shkosh në hënë?

E pamundur më duket që të vijë hëna këtu.

Një moment i bukur fantazie për ty?

Zakonisht kur ëndërroj, ëndërroj sikur jam në det. Ndoshta ngaqë deti të jep ndjesi hapësire dhe lirie pa kufi.

Kur ke menduar se njerëzit janë vërtet të çmendur në mënyrën si kanë fantazuar për ty?

Kur kam shfrenuar fantazinë.

Pret? Dukesh tip që kërkon t’i realizosh dëshirat shumë shpejt?

“Ka dy lloj zotash, është Zoti i të gjithëve dhe një Zot i imi personal. Di që ky imi mund të jetë edhe në tokë, dhe që po e pres”.

Kur është Olta në paqe me veten?

Kur gjërat më duken të bardha.

Të ndodh ndonjëherë të shohësh zi, pra të pushtohesh nga pesimizmi?

Zakonisht jam person i lumtur. Por kur bëhem unë pesimiste gjëmojnë edhe malet.

Çfarë i kërkon Zotit në këto momente që po flasim?

Unë lutem shpesh. Nuk jam predikuese, besoj në Zot dhe pres.