Refugjat drejtë Europës? Zëvendëspresidenti i KE-së: Do bëja të njëjtën gjë dhe unë!

Zëvendëspresidenti i Komisionit Europian, Frans Timmermans ka rrëfyer përvojën e tij pas takimit me emigrantët dhe ka diskutuar gjendjen e tyre.

Ai ka  folur për korrespondentin e Euronews Stefan Grobe ku mes të tjerave ka thënë:

"Kam folur me familjet e refugjatëve në ishullin Kos në Greqi dhe ata më thanë: "Hej, unë isha duke jetuar në kampin e refugjatëve në Liban;  Ishte çdo gjë në rregull, por pas dy vitesh unë harxhova paratë e mia, s'më mbeti më asnjë kursim. Tani unë dua të ushqej fëmijët e mi, por nuk mund ta bëjë këtë gjë atje. Kjo është arsyeja pse unë dua t'i marrë ata në Gjermani, për t'i ushqyer. "A do të bëni ndonjë gjë tjetër? – Unë do të bëja pikërisht  të njëjtën gjë si baba nëse do të ishte e nevojshme", -kujton ai.

Por çfarë  ndodh me  çështjet e sigurisë që mund të lindin nga emigrantët që kalojnë kufijtë?  Gazetari, Stefan Groebe kërkon një përgjigje nga Zëvendëspresidenti, Timmermans.

Departamenti amerikan i Sigurisë Kombëtare ka vlerësuar se ka rreth 4000 militantë islamikë të cilët janë infiltruar në Evropë, të maskuar si refugjatë.  A është kjo pak a shumë një vlerësim i saktë dhe a keni frikë nga një kërcënim më i madh terrorist në Evropë ?

Përgjigja e  Timmermans ndaj këtij shqetësimi ishte se ai nuk mund ta konfirmojë këtë shifër për terroristë të infiltruar.

"Unë nuk e di këtë numër. Nuk e di këtë vlerësim, kështu që unë nuk jam në gjendje të komentojë mbi të. Por qëndron si arsye, pasi nëse njerëzit do të vijnë në Evropë, mund të ketë edhe kriminelë në atë lëvizje dhe sigurisht mund të ketë terroristë mes tyre", tha  Frans Timmermans.