100 mijë kilogramë fishekzjarre

100 mijë kilogramë fishekzjarre kanë hyrë në Kosovë, për festat e fundvitit, kryesisht të importuara nga kina. Nga kjo sasi, 3 tonë janë konfiskuar si kontrabandë. Drejtori i Përgjithshëm i Doganës së Kosovës, Bahri Berisha tha se viteve të fundit për dhjetëfish ka rënie të importit të fishekzjarrëve në Kosovës. Sipas tij ajo që ka ndikuar në importin më të vogël të mjeteve piroteknike është vendosja e akcizës dhe vetëdijesimi i qytetarëve.

Destan Mustafa, udhëheqës i Divizionit për Armë, Municion dhe Eksploziv nga Departamenti për Siguri Publike në Ministrisë e Punëve të Brendshme thotë për KosovaPress se periudha e shitjes së fishekzjarrëve në Kosovë ka filluar nga 19 dhjetori deri më sot 31 dhjetori, ndërsa përdorimi i tyre fillon nga 26 dhjetor deri më 2 janar.

Me qëllim të rritjes së sigurisë në qytete, komuna e Prishtinës, Lipjanit, Drenasit, Malishevës, Prizrenit e ka ndaluar përdorimin dhe shitjen e mjeteve piroteknike. Një urdhër për për ndalimin e përdorimit të mjeteve piroteknike në vendet e hapura publike, ka lëshuar edhe komuna e Prishtinës. Madje shkelësit e këtij urdhëri mund të gjobiten 100 euro.