AKK: Ramush Haradinaj, vijon që të jetë kandidat për President të Kosovës

Mbrëmjen e së hënës, Gjykata Kushtetuese dha vendimin për rrëzimin e qeverisë Hoti. Kryetari i Aleancës për Ardhmërinë e Kosovës (AAK), Ramush Haradinaj do të vazhdojë të jetë kandidat i kësaj partie për President të Kosovës.

Lajmin për këtë e ka thënë nënkryetari i AAK-së, Ahmeti Isufi në një konferencë, ku njoftoi se kjo parti është e gatshme për zgjedhje, pas vendimit të Gjykatës Kushtetuese, e cila më 21 dhjetor tha se Qeveria e Kosovës, e udhëhequr nga Avdullah Hoti ishte zgjedhur në mënyrë jokushtetuese.

“Është një situatë jo e lehtë për shkak të pandemisë, prandaj duhet të kemi kujdes edhe partitë politike duke e vlerësuar edhe mendimin e Institutit të Shëndetësisë, prandaj në këto zgjedhje të jashtëzakonshme shkojmë të përgatitur për të qeverisur dhe për të udhëhequr vendin”, tha Isufi për mediat.