Aksident masiv në “Rrugën e Kombit, përplasen 7 makina

Një aksident masiv ka ndodhur në “Rrugën e Kombit”, në pjesën e Kosovës.

Mediat kosovare raportojnë se në autostradën “Ibrahim Rugova” janë përplasur 7 makina.

Aksidenti ka ndodhur në hyrje të Suharekës dhe nga fotot e siguruara nga vendngjarja shihet se makinat kanë pësuar dëme të mëdha.

Në vendngjarje ndodhet policia, që ka raportuar për disa të plagosur, por jo viktima.

Zëdhënësi i Policisë për rajonin e Prizrenit, Hazir Berisha ka dhënë detaje lidhur me aksidentin.

Berisha tha se në aksident janë të përfshira disa vetura dhe sipas informatave që kanë ka disa të lënduar, shkruan Ekonomia Online.

“Në atë pjesë ka pasur ngrica të cilat kanë bërë që veturat të mos mund të kontrollojnë shpejtësinë e si rezultat ka ndodhur aksidenti. Policia menjëherë ka ndalë në vendin e ngjarjes dhe ka përfunduar procedurat e nevojshme”, tha Berisha.