Aktakuza për Thaçin dhe Veselin, Rama: Rroftë Kosova

Zyra e Prokurorit të Specializuar në Hagë, njoftoi sot se ka ngritur akuza ndaj presidentit të Kosovës Hashim Thaçi dhe kryetarit të Partisë Demokratike të Kosovës Kadri Veseli, si të dyshuar për krime kundër njerëzimit dhe krime lufte ndër të cilat, vrasje të paligjshme, zhdukje e detyruar e personave, përndjekje dhe tortura. Sipas prokurorit akuzat janë ngritur më 24 prill.
Kryeministri i Shqipërisë Edi Rama ka reaguar me anë të një statusi ku shprehet se më gjatë do të shprehet nesër.
Statusi i Ramës:
Qëkur e kam marrë lajmin e listës së Tribunalit Special dhe kam lexuar emrat e kriminelëve të supozuar të Luftës Çlirimtare të Kosovës, përpiqem po nuk arrij të formuloj fjalitë e duhura për të shprehur indinjatën time!
Do të shprehem publikisht nesër me një mesazh për të gjithë shqiptarët, por jam e do të jem deri në fund, në krah të të gjithë atyre që luftuan me armë për ta çprangosur Kosovën e burgosur në ferrin e Sllobodan Milosheviçit!
RROFTË KOSOVA dhe sot më shumë se kurrë NDERIM UDHËHEQËSVE TË LUFTËS ÇLIRIMTARE

Lexoni edhe…

• Tre ditë para takimit në SHBA, Haga ngre akuzë kundër Hashim Thaçit dhe Kadri Veselit
• Presidenti Ilir Meta reagon për padinë ndaj Thaçit: Pafajësia e drejtuesve të UÇK dhe drejtësia e luftës është konfirmuar
• Grenell, i dërguari i posacëm amerikan: Thaçi me njoftoi se anulloi ardhjen ne Uashington
• Haradinaj: Besojmë në pafajësinë e Thaçit dhe Veselit. Lufta e UÇK-së ishte e drejtë
• Njoftimi zyrtar për padinë e Thaçit dhe Veselit: Akuzohen për 100 vrasje
• Akuza për krime lufte. VOA: Thaçi është rrugës për në SHBA