Albin Kurti nuk lejohet të kandidojë në zgjedhje

Kryetari i Lëvizjes Vetëvendosje, Albin Kurti, nuk është certifikuar për të qenë pjesë e garës për zgjedhjet e 14 shkurtit në Kosovë. Kurti është dënuar në janar të vitit 2018 për dy vepra penale: përdorim të armës apo mjetit të rrezikshëm dhe për pengim të personit zyrtar gjatë kryerjes së detyrës zyrtare. Me këto vepra përshkruheshin veprimet e Lëvizjes Vetëvendosje për hedhjen e gazit lotsjellës në Kuvendin e Kosovës në vitin 2015, si pasojë e të cilave, liderit të LVV-së i është pamundësuar kandidimi në listë zgjedhore. Përveç Kurtit, KQZ nuk ka certifikuar edhe 46 kandidatë për deputetë nga listat edhe të partive tjera, po ashtu të dënuar në tri vitet e fundit.

Gjyqësor i Kosovës i ka kthyer përgjigje Komisionit Zgjedhor të Kosovës, rreth emrave të kandidatëve për deputetë. Mediat e Kosovës bëjnë më dije se në mesin e 47 kandidatëve figuron edhe emri i kryesuesit të listës zgjedhore të LVV-së, Albin Kurti.