Asnjë viktimë nga koronavirusi në 24 orët e fundit në Kosovë

Autoritetet shëndetësore në Kosovë kanë njoftuar se në 24 orët e fundit nuk është regjistruar asnjë viktimë nga koronavirusi.

Por, nga kryerja e 1,028 testeve, janë konfirmuar 148 raste të rejave COVID-19.

Sipas të dhënave të fundit, në Kosovë, që prej regjistrimit të rasteve të para me koronavirus më 13 mars, e deri më 16 tetor, janë regjistruar 16,754 raste.

Prej tyre, 652 pacientë kanë vdekur dhe 14,617 janë shëruar, ndërsa raste aktive janë 1,485.