Dialogu me Serbinë, Abdixhiku: Kurti ka ndryshuar qëndrimet

Kryetari i Lidhjes Demokratike të Kosovës, Lumir Abdixhiku pas takimit që zhvilloi me kryeministrin Albin Kurti, tha se i kishte kërkuar kërkuar kryeministrit Kurti që të dijë qëndrimin politik të qeverisë për procesin e dialogut.

”Kosova duhet të dijë që cili është qëndrimi politik i Qeverisë së Kosovës në dialog dhe po e presim se cili është ky pozicion, dhe bëmë një ofertë, ku i dorëzuam kryeministrit një dokument mbi pozicionin politik, që në mendojmë që Qeveria e Kosovës duhet ta ketë. Ky dokument përmban parime që dialogu duhet t’i mbrojë e që janë diskutimi mbi bazën e GJND-së, mbrojtja e integritetit territorial, ruajtja e karakterit unitar të Kosovës dhe rendit kushtetues”.

Nga ana tjetër, Abdixhiku pohoi se kryeministri ka ndryshuar pozicion për disa tema lidhur me dialogun, përfshirë reciprocitetin.