Dialogu/ Nurellari: Ishte e pritshme që Kurti do të kapërdinte qëndrimin e tij me ardhjen në pushtet

I ftuar në edicionin e lajmeve të RTV ORA, Adri Nurellari, ka komentuar situatën politike në Kosovë.

Ai thotë se Kryeministri i Kosovës Albin Kurti, bëri çdo gjë që të vinte në pushtet, teksa shton se ishte e pritshme se ky i fundit do të kapërdinte qëndrimin e tij, në lidhje me dialogun Kosovë- Serbi.

“Është e pritshme sepse Kurti e ka bërë traditë rishikimin e qëndrimeve të mëparshme, është tipike e një politikani, i cili e ka nisur karrierën e tij, në formë deskritive, duke kritikuar qasjen nihiliste nga çdo gjëje që është bërë nga paraardhësit e vet dhe ta kapërdijë gjithë ato që ka pështyrë ndaj tyre dhe një prej tyre është edhe takimi me  Vuçiç.

Tashmë të gjitha këto ai detyrohet t’i kapërdijë dhe ishte e pritshme që ai do të bënte çfarëdolloj gjëje për të ardhur në pushtet dhe pasi të vinte në pushtet do ta kapërdinte dhe një qëndrim të kundërt të tij.”