Dorëhiqet ministrja në Kosovë

Kryeministri i Kosovës, Ramush Haradinaj, ka pranuar dorëheqjen e Ministres së Ambientit dhe Planifikimit Hapësinor, Albena Reshitaj.

Lajmin e ka bërë të ditur vetë kryeministri në një reagim në Facebook , duke treguar se ministrja këtë vendim e ka arsyetuar me motive personale.

“Sapo kam pranuar dorëheqjen e Ministres së Ambientit dhe Planifikimit Hapësinor, Albena Reshitaj. Në letrën e saj, Ministrja këtë vendim e arsyeton me motive personale, të cilat unë do t’i respektoj. E falënderoj Ministren Reshitaj për bashkëpunimin e deritashëm dhe i uroj çdo të mirë në rrafshin personal dhe profesional”, shkruan Haradinaj.