“Flamuri kosovar dogji Notre Dame”, Ambasadori francez i quan skandaloze raportimet e mediave serbe

Ambasadori i Francës në Serbi, Frederic Mondoloni, i ka cilësuar skandaloze shkrimet e mediave serbe rreth zjarrit në Notre Dame si një dënim për vendosjen e flamurit të Kosovës në atë katedrale në përvjetorin e fundit të Luftës së Parë Botërore.

Mondoloni u tha gazetarëve në Beograd se komentet negative e kishin prekur thellë dhe se ai i kishte mos përfillur ato.

“Për mua, kjo nuk është Serbia që kam njohur dhe dashur në 18 muajt e fundit sa jam këtu. Unë mendoj se njerëzit që e bëjnë këtë duke pretenduar të mbrojnë vendin e tyre, në të vërtetë bëjnë dëm të madh”, porositi diplomati francez.