Foto historike e Adem Demaçit me Albin Kurtin gjatë luftës

Lëvizja Vetëvendosje ka publikuar një fotografi historike nga viti 1998. Aty shfaqet Albin Kurti, në një moment të rëndësishëm të angazhimit të tij gjatë luftës për çlirimin e vendit. Kurti shihet teksa futet në një veturë, ndërsa përreth tij ndodhen disa ushtarë të Ushtrisë Çlirimtare të Kosovës (UÇK).
Pjesë e kësaj skene është edhe veprimtari i njohur Adem Demaçi, figurë qendrore e rezistencës kombëtare dhe drejtues i zyrës së UÇK-së në Prishtinë.
Kurti punonte në këtë zyrë dhe kishte një rol të rëndësishëm në komunikimin dhe organizimin politik të rezistencës. Demaçi ishte një nga mbështetësit kryesorë të UÇK-së dhe një zë i fuqishëm për të drejtat e shqiptarëve në Kosovë.