Frutex investon në Gjermani, bëhet pronare e kompleksit historik ”Nestor Hotel”

Kompania kosovare Frutex ka zgjeruar aktivitetin e saj në Evropë duke blerë kompleksin historik “Nestor Hotel” në Ludwigsburg të Gjermanisë. Hoteli i ndërtuar në vitin 1874, ka rreth 13,500 m² hapësirë ndërtimore, 179 dhoma, restorant dhe salla për evente.

Një pjesë e kompleksit do të shërbejë si qendër për koordinimin e shitjeve dhe zhvillimit të biznesit të Frutex në Gjermani dhe tregjet evropiane. Investimi synon të forcojë më tej praninë e kompanisë në tregun gjerman dhe atë evropian, duke krijuar një bazë të re për zhvillimin e aktiviteteve ndërkombëtare.

Blerja e një kompleksi me histori mbi 150-vjeçare përfaqëson jo vetëm një investim të rëndësishëm ekonomik, por edhe një tjetër dëshmi të zgjerimit të kompanive nga Kosova në tregjet ndërkombëtare. Me këtë hap, Frutex synon të konsolidojë më tej praninë e saj në Gjermani dhe Evropë, duke e shfrytëzuar kompleksin “Nestor Hotel” si një pikë të rëndësishme për zhvillimin dhe koordinimin e aktiviteteve të saj në tregjet evropiane.

 

View this post on Instagram

 

A post shared by Shaqir Palushi (@shaqirpalushi)