Haradinaj: Kosova përfundimisht është e orientuar nga Perëndimi

Kryetari i AAK-së, Ramush Haradinaj, në një bisedë me rreth 30 studentë të shkencave politike, diplomacisë dhe marrëdhënieve ndërkombëtare nga Danimarka, ka thënë se Kosova përfundimisht është e orientuar nga Perëndimi dhe është e përcaktuar në rrugën e saj euro-atlantike.

Haradinaj ka deklaruar se Kosova si shtet i ri, akoma nuk i ka zgjidhur të gjitha çështjet e hapura me Serbinë dhe se në rastin e Kosovës, nuk do të bëhën gabimet e njejta që janë bërë me Bosnjen. Në planin e brendshëm, ka thënë ai, Kosova duhet te vazhdojë në forcimin e shtetit ligjor, në luftën kundër ekstremizmit fetar, luftën kundër korrupsionit dhe krimit të organizuar.

Studentët e Universitetit DIS ishin te interesuar për zhvillimet e fundit në Kosovë, për marrëveshjet e nënshkruara së fundmi në Bruksel, për të ardhmën e Kosovës në disa tema të aktualitetit, duke përfshirë edhe zhvillimet që lidhen me procesin e bisedimeve me Serbinë. Ata kanë bashkëbiseduar me Haradinaj në kuadër të një progarmi studimor që po e zhvillojnë në Kosovë.