Haradinaj: Serbia të ndalojë armatosjen nga Rusia, kërcënim ndaj Kosovës

Kryeministri në largim i Kosovës, Ramush Haradinaj, denoncon armatosjen e vazhdueshme të Serbisë nga Rusia dhe Kina.

“Është kërcënim i drejtpërdrejtë për Kosovën, paqen e brishtë në rajon, si dhe perspektivën Euro-Atlantike”, shkruan ai në një status në Facebook. Gjithashtu, më tej, Haradinaj i kërkon Serbisë që ta ndalojë këtë çmenduri përpara se të jetë tepër vonë.

“Armatosja e vazhdueshme e Serbisë me pajisje ushtarake nga Rusia dhe Kina (Pancirë, Sisteme të Mbrojtjes Ajrore, Dronë etj) është kërcënim i drejtpërdrejtë për Kosovën, paqen e brishtë në rajon, si dhe perspektivën Euro-Atlantike. Serbia duhet ta ndalë këtë çmenduri para se të bëhet vonë!”, shkruan Haradinaj.