Hashim Thaçi thyen heshtjen, flet sonte për katër ditët e intervistimit në Hagë

Presidenti i Kosovës, Hashim Thaçi, ka njoftuar se sonte në orën 20:00 do të flasë për katër ditët e intervistimit në Hagë.

Thaçi ka mbërritur dje në Kosovë, ku është pritur nga qindra qytetarë.

Me pankarta “Mirë se vjen president”, e flamuj kuq e zi, e me simbole të UÇK-së, qytetarët në Morinë thanë se ata kanë dalë ta mbështesin Thaçin, duke shtuar se ai dhe lufta e UÇK-së nuk janë vetëm.