Koronavirusi/ Kosova dhe Serbia shpallin gjendjen e jashtëzakonshme (Masat drastike)

Qeveria e Kosovës ka shpallur gjendje të jashtëzakonshme emergjente për shëndetin publik. Ky vendim është marrë pas propozimit të Ministrisë së Shëndetësisë. Vendimi i Qeverisë ka hyrë menjëherë në fuqi.

Ndërsa sipas këtij vendimi, Ministria e Shëndetësisë është përgjegjëse për menaxhimin e situatës së shpallur të emergjencës për shëndetin publik.

Sot janë konfirmuar 4 raste të reja me coronavirus në Kosovës duke çuar në 9 numrin total të të prekurve me coronavirus.

Nga ana tjetër, vlen të theksohet masa që ka marrë Serbia e cila duket jo e zakonshme por e kuptueshme ndërsa ka vendosur që të gjithë personat mbi 65 vjeç do të qëndrojnë të izoluar në shtëpi, ndërkohë që do të kufizohen oraret për frekuentimin e bareve dhe restoranteve.

Gjithashtu ushtria do të ruajë të gjitha spitalet në ketë shtet. Raportohet se kush e thyen izolimin do të denohet me 3 vjet burg ndërsa me shpalljen e gjendjes së Jashtëzakonshme, Serbia ndalon gjithashtu edhe hyrjen në vend të të gjithë shtetasve të huaj.