Kosnett në Kosovë: Marrëveshja e Washingtonit s’mjafton për të vazhduar dialogun Prishtinë-Beograd

Administrata e presidentit amerikan Joe Biden ka ardhur në përfundimin se administrata e Trump ka bërë një punë të mirë sa i përket marrëveshjes së Washingtonit, për vazhdimin e bisedimeve Kosovë-Serbi.

Kjo është deklarata që ambasadori amerikan në Kosovë Filip Kosnett tha për mediat vendase.

Sipas Kosnet, marrëveshja e bërë në Washington në shtator të vitit të kaluar, mes Prishtinës dhe Beogradit në prezencë të ish presidentit Donald Trump, është shqyrtuar me kujdes dhe është pjesërisht e vlefshme.

Kosnet tha se kur Qeveria e Kosovës dhe ajo e Serbisë të takohen nën patronazhin e BE-së, marrëveshja e Washingtonit nuk mjafton për dialogun.

Ka elemente të tjerë politikë që nuk janë diskutuar në atë marrëveshje.

Sa i përket 2 “non -paper”-ave të fundit që po qarkullojnë në media për ndryshimin e kufijve në Ballkanin Perëndimor, Ambasadori tha se nuk ka dijeni se kush i shkruan këto dokumente, por kushdo që po i shkruan me siguri gëzohet nga reagimi i tepruar.

Ai ka theksuar se as SHBA e as partnerët evropianë nuk kanë fare interesim për të nxitur apo shtyrë çfarëdo shkëmbimi territori në Kosovës.