Kosova e para në rajon, interes i lartë për vaksinimin

Kosova ishte vendi i fundit i rajonit që nisi vaksinimin kundër Covid-19, por sot që flasin, është në krye të listës.

Kosova numëron sot 747 898 vaksina kryera, nga ku më shumë se 256 mijë qytetarë i kanë marrë të dy dozat, ndërsa procesi është përshpejtuar ndjeshëm në 3 javët e fundit.

Vetëm në 7 ditët e fundit, në Kosovë janë administruar 125 830 doza vaksine nga 56 277 që janë kryer në të njëjtin hark kohor në Shqipëri.

Ndryshe nga Shqipëria që përdor katër lloj vaksinash për imunizimin e popullatës, atje qytetarët vaksinohen vetëm me vaksinat Pfizer dhe AstraZeneca.