Janë bërë 19 seanca që nuk kanë arritur që të kemi konstituim të Kuvendit të Kosovës. Sërish u tentua të ngrihet komisioni për votim të fshehtë dhe partitë e tjera përpos Lëvizjes Vetëvendosje refuzuan të bëhen pjesë dhe ta votojnë të njëjtin.
Partia Demokratike ftoi Albin Kurtin që të reflektojë dhe të ndërrojë emrin e kandidatit për kryeparlamentar. Lidhja Demokratike tha se nuk do të votojnë një kandidat me mendësi antikushtetuese, duke vënë theksin sërish të një marrëveshje e munguar politike.
Aleanca akuzoi Kurtin se po zvarrit qëllimshëm krijimin e institucioneve të reja në mungesë të numrave. Seanca për konstituimin e Kuvendit ka nisur më 15 prill ndërsa do të vazhdojë të premten më 23 maj.
