Kosovë/Në shkurt nis vaksinimi, çdo ditë 20 mijë persona

Kosova do të pranojë brenda muajit shkurt dozat e para të vaksinës për imunizim të popullatës kundër Covid-19.

Këto vaksina do të vijnë si rrjedhojë marrëveshjeve të arritura për sigurimin e afër 2 milionë vaksinave, prej tyre 535 mijë nga kompania amerikane “Pfizer”, 600 mijë nga Austria dhe nga programi COVAX i OBSH-së 720 mijë.

Drejtori i Institutit Kombëtar të Shëndetit Publik, Naser Ramadani tregoi se me prioritet për t’u vaksinuar janë stafi mjekësor, personat mbi moshën 65 vjeçare dhe personat me probleme shëndetësore kronike.

Ministri i Shëndetësisë, Armend Zemaj tregoi se synojnë vaksinimin e 20 mijë qytetarëve brenda dite, për çka kanë kërkuar edhe asistencë teknike.