Kurti pret këngëtaren Rita Ora:”Faleminderit që na bëre kaq krenarë, si njerëz, si vend”

Kryeministri i Kosovës, Albin Kurti sot në Qeveri ka pritur këngëtaren shqiptare me famë botërore, Rita Orën dhe bashkëshortin e saj, Taika Waititi.

Rita tha se zgjodhi që sot të vijë në Kosovë për ta festuar ditëlindjen e 33-të “në një mënyrë të pabesueshme”. Vizitën e sotme e cilësoi si “vërtetë entuziazmues”, ashtu si dhe takimin me Kurtin.

Kurti e falëndroi Ritën “që na bëre kaq krenarë, si njerëz, si vend” ndërsa tha se “kjo ka qenë një e diel e paharrueshme për mua.

“Rita Ora ka arritur majat më të larta të suksesit dhe njohjes në mbarë botën duke nderuar gjithmonë rrënjët dhe kulturën e saj në atdhe. Ishte nder ta prisja atë dhe Taika Waititi sot ne ditelindjen e saj. Kosova, Britania e Madhe dhe Zelanda e Re duken pa kufi përballë artit”, shkroi Kurti në “X”.