Lirim i përkohshëm nga qelia për Thaçin? Presidenti i Kroacisë: Nuk jap dot garanci

Presidenti kroat, Zoran Milanoviç, deklaron se nuk ka ofruar garanci për lirimin e përkohshëm të ish-presidentit të Kosovës, Hashim Thaçi, i cili po mbahet në Hagë nën akuzat për krime lufte.

“Nuk mund të ofroj garanci, kjo është thjesht e pamundur”, tha presidenti kroat, duke shtuar se Kroacia nuk do të bëjë atë që bëri Hungaria si anëtare e BE-së, duke i dhënë strehim ish-kryeministrit maqedonas Nikola Gruevski, i cili u strehua në Hungari për të shmangur vuajtjen e një dënimi për korrupsion.

Presidenti Milanoviç, tha se akuzat e ngritura pas kaq vitesh kundër Thaçit e dëmtojnë rajonit. ”Thjesht mendoj se Thaçi ose duhej të ishte akuzuar prej kohe, ose duhet të lihet i qetë, sepse disa njerëz në Beograd po kalojnë të paprekur”.