“Lufta” me vezë dhe gota në Kuvendin e Kosovës (FOTO)

Lëvizja Vetëvendosje, që e ka turpëruar sot në Kuvend Kryeministrin Mustafa, duke e qëlluar me vezë, ankohet se qeveria i është kundërpërgjigjur me gota qelqi.

Sipas saj, vezët janë të buta dhe bëjnë pjesë tek lufta me mjete demokratike, kurse gotat, jo, sepse janë mjete të forta.

Në njoftimin që ka lëshuar për mediat, VV shkruan:

Ndërkohë që “ opozita po zhvillonte aksion simbolik demokratik për të shprehur shqetësimin për gënjeshtrat që po i bën Isa Mustafa popullit dhe deputetëve, deputetët e pozitës gjuajtën deputetët tanë me gota qelqi, shkruan Syri.net.

Deputetët e opozitës e gjuajtën Isa Mustafën me vezë, ndërsa deputetët e pozitës përdorën mjete të forta për të kundërshtuar një aksion demokratik.

Kjo tregon të vërtetën e tyre, pavarësisht çirrjes se gjoja opozita po e pengon demokracinë dhe po përdor dhunë.