Macron dhe Vuçiç diskutojnë për dialogun Kosovë-Serbi

Presidenti i Francës, Emmanuel Macron, ka zhvilluar një bisedë telefonike me presidentin e Serbisë, Aleksandar Vuçiç, ku kanë diskutuar për zhvillimet në Ballkan, me fokus dialogun Kosovë-Serbi dhe situatën në Bosnje-Hercegovinë.

Macron ka theksuar rëndësinë e vazhdimit të dialogut dhe ka dënuar çdo veprim të njëanshëm që mund ta dëmtojë atë. Ai gjithashtu ka theksuar mbështetjen e Francës për stabilitetin, unitetin dhe sovranitetin e Bosnjë-Hercegovinës, si dhe respektimin e sundimit të ligjit.

Dialogu mes Kosovës dhe Serbisë aktualisht është i ngrirë, pjesërisht për shkak të situatës me Qeverinë në detyrë në Kosovë.