Media ironizon Hajredin Kuçin: Pranë kolapsit financiar, ka vetëm 370 euro

Njeriu i dytë më i rëndësishëm në Partinë Demokratike të Kosovës, dhe njëherësh ministri i Drejtësisë, Hajredin Kuçi duket se është para kolapsit financiar.

Ai në formularin e deklarimit të pasurisë ka deklaruar se para të gatshme i ka vetëm 370 para të gatshme, raporton Gazeta Blic. Ndërkohë, ai ka deklaruar se ka obligime shumë të mëdha ndaj bankave. Hiç më pak se katër kredi, që kapin vlerën e më shumë se 24 mijë eurove.

Kuçi edhe pse nuk ka para të gatshme, ai punon hiç më pak se në katër vende pune. Përveç se ministër i drejtësisë, Kuçi punon edhe në tre universitete, në dy publike dhe në një privat, raporton gazeta Blic. Ndërkohë, që të hyrat e tij nga këto vende pune brenda vitit janë hiq më pak se 33 mijë euro, pa llogaritur këtu pagën që e merr bashkëshortja e tij.

Kuçi e ka deklarur një shtëpi në Prishtinë në vlerë mbi 160 mijë euro, dhe një shtëpizë, në vlerë mbi 60 mijë euro.