Mustafa: U befasuam nga Kurti. Nuk prisnim që ata të merrnin kreun e Kuvendit

Kryetari i LDK-së, Isa Mustafa, ka thënë votimi në seancën e sotme në Prishtinë ka qenë befasi dhe askush nga partia e tij nuk e ka ditur e as nuk ka pritur që Vetëvendosje do të propozoj kryeparlamentarin.

Në një intervistë ekskluzive për KTV-në, Mustafa ka bërë të ditur se për shkak të kësaj tani gjithçka do të nis nga fillimi me VV-në dhe sipas tij, të gjitha marrëveshjet që janë bërë deri tani do të bijnë në ujë.

“Gjithsesi duhet të bëhet marrëveshje e re lidhur me përgjegjësitë, por ka nevojë edhe te programi qeverisës. Çdo gjë është e hapur, edhe mundësia që të dalim në opozitë, ta bëjmë një opozitarizëm shumë të mirë, të suksesshëm”, ka thënë Mustafa në Rubikon.