Nis leximi i vendimit ndaj krerëve të UÇK-së, gjyqtari paralajmëron publikun: Ruani qetësinë!

Ka nisur leximi i aktgjykimit në Dhomat e Specializuara në Hagë. Vendimi po lexohet nga kryesuesi i trupit gjykues, gjyqtari amerikan, Charles Smith.

Në fjalën e parë, Smith deklaroi se “aktgjykimi shqiptohet publikisht në emër të popullit të Kosovës”, ndërsa u bëri thirrje të pranishmëve në sallë të ruajnë qetësinë.

Ai paralajmëroi se në rast të ndërhyrjeve apo prishjes së rendit, gjykata do të marrë masat përkatëse.