Nuk e fsheh ambicien, Hashim Thaçi: Unë President i Kosovës më 2016!

Gazeta gjermane “Frankfurter Rundschau” në edicionin e sotshëm ka shkruar se Zëvendëskryeministri Hashim Thaçi do të bëhet president, sipas marrëveshjes së koalicionit qeverisës PDK-LDK. Në një Intervistë për këtë të përditshme, Thaçi ka paralajmëruar se sipas kësaj marrëveshjeje, ai do të bëhem President i Kosovës.  -“Sipas kësaj marrëveshjeje, unë do të bëhem President i Kosovës pasi që Presidentja aktuale ta përfundojë mandatin”, ka thënë Thaçi për FR. Më pas, sipas gazetës Thaçi do të prezantojë Kosovën si president në arenën ndërkombëtarë.  Thaçi ka folur edhe për procesin e normalizimit të marrëdhënieve ndërmjet Kosovës dhe Serbisë, duke thënë se Serbia duhet të shkëputët nga e kaluara e Millosheviçit dhe të shkoj kah e ardhmja. Gazeta gjermane raporton se edhe më tutje Serbinë është duke e përcjellë mallkimi i së kaluarës.