Pas linjës ajrore, Amerika e lidh Kosovën me Serbinë edhe me tren

I dërguar special i Trumpit për dialogun Kosovë – Serbi, Richard Grenell ka bërë të ditur se është arritur marrëveshja në parim për hapjen e transportit hekurudhor ndërmjet Kosovës e Serbisë.

Gjatë bisedë me një grup të vogël gazetarësh, Grenell ka thënë se gjatë vizitës në Prishtinë dhe asaj në Beograd sot, ka marrë pajtimin e të dy palëve për një hap të tillë.

Marrëveshja është në parim, ndaj sipas tij nga e hëna pritet të negociohen detajet, raporton JOQ Kosova.

Grenell ka thënë se për një marrëveshje të tillë pëlqimin e ka marrë edhe nga qeveria aktuale, por edhe nga liderët e partive që po negociojnë mundësinë e koalicionit qeverisës.

Pak ditë më herët u nënshkrua marrëveshja për linjën e parë ajrore Prishtinë-Beograd, që u konsiderua historike edhe nga presidenti Donald Trump.