Përleshje mes serbëve e kosovarëve në një kamp gjerman azili

Përplasje mes shtetasve serbë dhe kosovarë në një kamp azili në zonën e Bahrenfeldit në Hamburg të Gjermanisë.

Ngjarja mësohet se ka ndodhur mbrëmjen e së hënës, ndërsa është dashur ndërhyrja e mbi 30 efektivëve të policisë për të qetësuar situatën.

Sipas mediave gjermane, pikënisje e sherrit ka qenë një azilkërkues serb. 38-vjeçari në gjendje të dehur, sëbashku dhe me dy shtetas të tjerë kanë ngacmuar me fjalë me një djalë të ri nga Kosova.

Menjeherë ka ndërhyrë sigurimi i qendrës, por nuk ka arritur të ndërpresë konfliktin. Situata është përshkallëzuar dhe rreth 100 serbë dhe kosovarë janë përleshur mes tyre.

Në vengjarje ka mbërritur më pas policia e Hamburgut, e cila ka qetësuar situatën, ndërsa ka shoqëruar 38-vjeçarin serb dhe një shtetas tjetër.