Provokon Gjuriç: Kosovarët po përgatiten për luftë, Kosova e tëra është e Serbisë

Drejtori i Zyrës për Kosovën në Qeverinë e Serbisë, Marko Gjuriç, ka reaguar ndaj deklaratës së kryeministrit të Kosovës, Ramush Haradinaj, i cili tha se nuk do të lejojë formimin e Asociacionit në mënyrë të njëanshme nga Lista Serbe, raporton TVARTA.

Në një shkrim të publikuar në rrjetin social Twitter, Gjuriç ka thënë se autoritetet e Qeverisë së Kosovës nuk duan paqe, dhe se ata po përgatiten për luftë.

“Nga deklaratat e Ramush Haradinajt, është e qartë për të gjithë se në Prishtinë ka njerëz që nuk e duan paqen, por po përgatiten për luftë këto deklarata të Haradinajt tregojnë se kosovarët po përgatiten për luftë”, ka shkruar Gjuriç.

“Ka të drejtë Ramush Haradinajn kur thotë që nuk mund të ketë ndarje dhe shkëmbime të territoreve të Kosovës, sepse i gjithë territori i Kosovës është pjesë e Republikës së Serbisë”, ka shkruar nder të tjera Gjuriç.