Hezitimi i Beogradit për të dorëzuar trupin e Faton Hajzirit, i vrarë pak ditë më parë nga policia serbe pas arratisjes nga burgu në Kosovë, ka nxitur spekulime të shumta. Askush nga të afërmit apo avokati i tij, nuk kanë mundur ta shohin trupin, ndërsa Serbia vendos kusht pas kushti për të lejuar diçka të tillë. Kërkesa e fundit, ajo e dorëzimit të kampionit të pështymës së nënës se Fatonit u përmbush këtë të martë me avokatin Arianit Koci që udhëtoi drejt shtetit fqinj për ta dorëzuar personalisht. Por me çfarë sfidash është përballur avokati në këtë mision aspak të lehtë, dhe për më tepër a ka arritur të zbulojë diçka rreth misterit që po shoqëron vrasjen e Fatonit.