Reciprociteti për targat, vazhdon bllokimi i rrugëve në veri

Në veri të Kosovës, në rrugët që çojnë në dy pikat kufitare me Serbinë – Jarinjë dhe Bërnjak, vazhdojnë të jenë të bllokuara nga barrikadat e vendosura nga serbët lokalë.

Kjo është konfirmuar nga zëvendësdrejtori i Policisë për rajonin e veriut, Besim Hoti.

“Gjendja nuk ka ndryshuar. Situata është e qetë, nuk ka ndodhur asgjë. Barrikadat janë ende prezentë aty, por të shohim sot gjatë ditës se çfarë do të ndodhë pas vendimit që është marrë”, tha Hoti për Radio Europa e Lirë.