Rreth 58 mijë të vaksinuar ndaj COVID-19 në Kosovë, COVAX i sjell edhe mbi 100 mijë doza këtë javë

Kosova vijon me procesin e vaksinimit duke rritur shifrat. Mediat në vend thonë se numri i të vaksinuarve në Kosovë ka shkuar në mbi 58 mijë.

Ndërkohë Programi i Unicefit në Kosovë bën me dije se këtë javë nga COVAX pritet të vijnë edhe 100 mijë e 620 doza.

Më parë nga ky program Kosova ka përfituar 24 mijë doza kurse në total 62 mijë e 400.

Kosova e nisi më vonë se shumica e vendeve të tjera të rajonit vaksinimin ndërkohë që kryeministri Kurti ka premtuar se procesi nuk do të ndalet derisa 60% e popullatës të jetë vaksinuar plotësisht.